Sosial sığorta öhdəlikləri optimallaşdırılacaq

Sosial sığorta sistemi daha ədalətli və şəffaf şəkildə formalaşdırılacaq. Bu, "Sosial sığorta haqqında" qanuna hazırlanan dəyişikliklər layihəsi ilə əlaqədardır. Dəyişikliklər həm də sahibkarlıq fəaliyyətinin təşviqini hədəfləyir.

Dövlət Vergi Xidmətinin rəisi Orxan Nəzərli bu məqsədləri Milli Məclisin İqtisadi siyasət, sənaye və sahibkarlıq komitəsinin iclasında açıqlayıb.

Orxan Nəzərli bildirdi ki, layihə dövlətin sosial müdafiə mexanizmlərini gücləndirməyə xidmət edir. Bu, fərdi sahibkarların və müxtəlif fəaliyyət növləri üzrə sığortaedənlərin sosial sığorta öhdəliklərinin tənzimlənməsi ilə mümkün olacaq. Yeni modeldə sosial sığorta haqqının hesablanması dövriyyədən asılı olacaq. Bununla yanaşı, minimum və maksimum hədlər müəyyən olunur.

Bu yeni prinsip yığım risklərinin qarşısını almağa kömək edir. Həmçinin, dövlətin gələcək maliyyə öhdəliklərinin balanslaşdırılmasına imkan yaradır.