Şri-Lankada “Ditva” siklonu nəticəsində 153 nəfər həlak olub

Şri-Lankada baş verən "Ditva" siklonu ölkəyə böyük zərər vurub, ciddi can kaybına səbəb olub. Siklonun səbəb olduğu torpaq sürüşmələri və daşqınlar nəticəsində azı 153 nəfər həlak oldu. Fəlakət zamanı 191 nəfər itkin düşmüş şəxs kimi qeydə alınıb. Ölkə üzrə yarım milyondan çox insan bu təbii fəlakətdən zərər çəkib.

Fəlakətlərin İdarə Edilməsi Mərkəzinin məlumatına görə, təhlükəli bölgələrdə yaşayan 78 mindən çox insan evlərini tərk etməli olub. Köçürülən əhali təcili yardım üçün qurulan 800-ə yaxın mərkəzdə məskunlaşdırılıb; bu mərkəzlərin çoxu məktəblərdə yerləşir. Hökumət zərər çəkən əhaliyə humanitar yardım göstərir.

Hazırda minlərlə polis, dəniz qüvvələri və ordu qoşunları xilasetmə və bərpa işlərində iştirak edir. Hərbçilər zərərçəkənlərə ərzaq paylayır, dağılmış yolları təmizləyir və risk altında qalan ailələri təhlükəsiz bölgələrə köçürməyə davam edirlər. Bu genişmiqyaslı əməliyyatlar fövqəladə vəziyyətdə olan insanlara çatmaq üçün aparılır.