Süni intellekt yaxın 5 ildə smartfonları əvəz edəcək - İlon Mask

"Tesla" və "SpaceX" şirkətlərinin Baş direktoru İlon Mask mövcud formada smartfonların dövrünün sona yaxınlaşdığını bildirib. O, süni intellekt texnologiyasının yaxın beş il ərzində smartfonları tamamilə əvəz edəcəyinə inanır. Mask bu proqnozu məşhur Co Roqanın podkastında səsləndirib.

Mask gələcək rabitə cihazlarının necə fəaliyyət göstərəcəyini də izah edib. Onun fikrincə, gələcəyin telefonu nə əməliyyat sistemi, nə də tətbiqlərdən ibarət olmayacaq. Bu cihaz sadəcə süni intellekt üçün bir körpü, bir vasitə rolunu oynayacaq.

Bu açıqlama smartfonlar sahəsində böyük bir dönüş nöqtəsi ola bilər. Əgər Maskın proqnozu həyata keçərsə, cihazlar hazırkı mürəkkəb funksionallıqlarını itirəcək və yalnız AI ilə əlaqə vasitəsinə çevriləcəklər.