Trampla "F-35"lərlə bağlı son danışıqlar müsbət nəticələr verib - Ərdoğan

Türkiyə Prezidenti Rəcəb Tayyib Ərdoğan ABŞ-ın həmkarı Donald Trampla "F-35" qırıcıları məsələsi barədə apardığı danışıqların müsbət nəticə verdiyini açıqlayıb. O, Ankara hökumətinin bu söhbətlər zamanı verilən vədlərin yerinə yetiriləcəyinə ümid etdiyini bildirdi. Ərdoğan bu bəyanatları 8 noyabr Qələbə Günü tədbirlərində iştirak etdiyi Azərbaycandan Türkiyəyə qayıdarkən təyyarədə səsləndirib.

Türkiyə lideri qeyd edib ki, bu son danışıqlar ABŞ-la gərginləşən münasibətlərdə mühüm müsbət addımlar atılmasına səbəb oldu. "ABŞ prezidenti Donald Trampla son danışıqlarımız zamanı mühüm müsbət addımlar atdıq," deyə Prezident qeyd edib. Bu addımlar Türkiyənin "F-35" proqramı ilə bağlı statusunun yenidən nəzərdən keçirilməsi ehtimalını artırır.

Ankara uzun müddətdir ki, bu döyüş təyyarələrinin tədarükü məsələsini həll etməyə çalışır. İndi Türkiyə ümid edir ki, ABŞ rəhbərliyi tərəfindən verilən bütün vədləri yerinə yetiriləcək. Prezident Ərdoğanın Qələbə Günündən sonra verdiyi bu açıqlamalar iki NATO müttəfiqi arasındakı müdafiə sənayesi gərginliyinin azalması üçün önəmli bir siqnal sayılır.