Türkiyə Milli Müdafiə Nazirliyi Azərbaycanı təbrik edib

Türkiyə Milli Müdafiə Nazirliyi (MSB) Azərbaycanın müstəqilliyinin bərpasının 34-cü ildönümü münasibətilə qardaş ölkəni təbrik edib. Nazirliyin rəsmi sosial şəbəkə hesabında yayımlanan bu paylaşım iki dövlət arasındakı qırılmaz əlaqələri bir daha təsdiqləyib.

Qardaş ölkənin müdafiə nazirliyi öz təbrikində iki qardaş ölkənin birliyinin sarsılmazlığını xüsusi vurğulayıb. Bu paylaşım sadəcə bir təbrik yox, Türkiyənin Azərbaycana olan tarixi və hərtərəfli dəstəyinin ifadəsi kimi qəbul edilir.

Paylaşımda Azərbaycan xalqına səmimi salamlar çatdırılıb və ortaq amal bir daha dilə gətirilib. Nazirlik bildirib: “Qardaş Azərbaycan xalqını səmimi-qəlbdən salamlayırıq. Biz “Bir millət, iki dövlət” kəlamı kontekstində həmişə bir olacağıq. Yaşasın Türkiyə və Azərbaycan!”.