Türkiyə Prezidenti: Azərbaycanla koordinasiyalı formada Ermənistanla normallaşma prosesini davam etdiririk

Türkiyə Prezidenti Rəcəb Tayyib Ərdoğan Azərbaycandan qayıdarkən jurnalistlərə müsahibə verib. O bildirdi ki, Türkiyə Azərbaycanla koordinasiyalı formada Ermənistanla normallaşma prosesini davam etdirir.

Ərdoğan həmçinin xüsusi olaraq vurğulayıb ki, bu proses yerinə yetirilərkən Azərbaycanın hüquqlarının pozulmasına qətiyyən yol verməyəcəklər. O, Qarabağda aparılan yenidənqurma işləri haqqında danışıb. Prezidentin sözlərinə görə, "qardaşım İlham Əliyevin rəhbərliyi altında Qarabağda böyük bir inkişaf həyata keçirilir." Bu inkişaf yollar, tunellər, kənd təsərrüfatı layihələri və mənzillər tikintisini əhatə edir. Türkiyə bu prosesdə iştirak edir və Azərbaycana lazımi töhfələri verir.