Türkiyədə 149 futbol hakimi mərc oyunlarında iştiraka görə cəzalandırılıb

Türkiyə Futbol Federasiyasının (TFF) Peşəkar Futbol İntizam Komitəsi (PFDK) mərc oyunlarında iştirak edən referilərlə bağlı apardığı araşdırmanın nəticələrini elan etdi. PFDK-nın verdiyi cəzalar nəticəsində 149 hakimə sanksiya tətbiq olunub. TFF-nin yaydığı məlumatda bildirilir ki, bu şəxslərin mərc oyunlarında iştirak etdiyi müəyyən edilib və buna görə də cəzalandırılıblar.

Cəzalandırılan 149 hakimə 8 aydan 12 aya qədər dəyişən müddətlərdə hakimlik fəaliyyətindən məhrumetmə qərarı verilib. Bununla yanaşı, komitə bəzi yüksək dərəcəli hakimlərlə bağlı əlavə araşdırmaların davam etdirilməsini qərara aldı. Bu referilər yüksək dərəcəli hakimlər Zorbay Küçük və Melih Kurt, eləcə də dərəcə hakimi Mertcan Tubadır. Onlarla bağlı təhqiqat işləri hələ bitməyib.