Türkiyədə FETÖ-yə qarşı əməliyyat: 300-ə yaxın saxlanılan var

Türkiyə hüquq-mühafizə orqanları son bir ay ərzində FETÖ terror təşkilatına qarşı genişmiqyaslı əməliyyatlar həyata keçirdi. Bu əməliyyatlar ölkənin 50 vilayətində koordinasiyalı şəkildə aparılıb.

Nəticədə, ümumilikdə 286 nəfər saxlanılıb. Türkiyənin Daxili İşlər Nazirliyinin (DİN) rəhbəri Əli Yerlikaya bu barədə öz rəsmi "X" sosial media səhifəsində məlumat paylaşıb.

Saxlanılan şübhəlilərin işinə baxılıb və onlardan 154-ü barəsində həbs qətimkan tədbiri seçilib. Bu şəxslər terrorçu təşkilatın hərbi-məxfi və maliyyə quruluşları daxilində fəaliyyət göstərməkdə ittiham olunurlar. İddia olunur ki, onlar təşkilatın kripto-rabitə proqramı sayılan "ByLock"-dan aktiv şəkildə istifadə ediblər.

Həmçinin, bu şəxslər təşkilatın məsuliyyət daşıyan üzvləri ilə əlaqə saxlamaq üçün taksofon vasitəsilə rabitə qurmaqda günahlandırılırlar. Bu əməliyyatlar FETÖ-nün daxili şəbəkələrini və gizli əlaqə yollarını hədəf alır.