Türkiyənin COP31-ə ev sahibliyi edəcəyi təsdiqlənib

Türkiyə Birləşmiş Millətlər Təşkilatının İqlim Dəyişmələri üzrə Çərçivə Konvensiyasının Tərəflər Konfransının 31-ci sessiyasına (COP31) ev sahibliyi edəcək. Bütün tərəflər bu qərarla bağlı razılığa gəliblər. COP31 Konfransının gələn il Türkiyədə keçirilməsi rəsmən təsdiqləndi.

Razılaşmaya görə, COP31-in sədrliyini Ankara həyata keçirəcək. Danışıqlara isə Avstraliya sədrlik edəcək. Konsensus mətni Türkiyənin də daxil olduğu Birləşmiş Millətlər Təşkilatı yanında Qərbi Avropa və Digərləri qrupu tərəfindən təsdiqlənib. BMT-nin rəhbərliyi ilə 2026-cı ilə planlaşdırılan danışıqların əsas müzakirələri Türkiyənin turizm mərkəzi olan Antalyada baş tutacaq. Bu görüşlərdə qlobal iqlim gündəliyi müzakirə olunacaq.

COP31-ə hazırlıq üçün isə əsas müzakirələr Avstraliyada keçiriləcək. Bu hazırlıq iclaslarının əsas mövzusu iqlim maliyyəsi və Sakit okean ölkələri ilə ətraf mühit həmrəyliyi olacaq. Türkiyənin Ətraf Mühit, Şəhərsalma və İqlim Dəyişikliyi naziri Murat Kurum Baş Assambleyada çıxış etdi. O, ölkəsinə göstərdikləri dəstəyə görə üzv ölkələrə təşəkkürünü bildirdi. Bu, Türkiyənin beynəlxalq iqlim fəaliyyətindəki rolunun artdığını göstərir.