UEFA Çempionlar Liqası: "Araz-Naxçıvan"ın 1/8 finalda rəqibi müəyyənləşib

Futzal üzrə Azərbaycan çempionu "Araz-Naxçıvan" klubunun UEFA Çempionlar Liqası 1/8 final mərhələsindəki rəqibi müəyyənləşib. Təmsilçimiz bu mərhələdə Portuqaliyanın güclü təmsilçisi "Benfika" ilə qarşılaşacaq. Bu görüş Azərbaycan futsalı üçün böyük sınaq olacaq. Əgər "Araz-Naxçıvan" bu çətin maneəni adlaya bilsə və 1/4 finala vəsiqə qazansa, onları daha maraqlı bir rəqib gözləyir.

Komandamız növbəti mərhələdə Yunanıstanın AEK və Portuqaliyanın digər iddialı klubu "Sportinq" cütünün qalibi ilə üz-üzə gələcək. "Araz-Naxçıvan" ilə "Benfika" arasında 1/8 finalın ilk oyunu noyabrın 24-də Bakıda keçiriləcək. Cavab matçı isə dekabrın 5-də rəqibin meydanında baş tutacaq. 1/4 final oyunları isə 23 fevral və 6 mart tarixləri arasında təşkil olunacaq.

Qeyd edək ki, UEFA Çempionlar Liqası turniri hazırkı formatda ilk dəfə təşkil olunub. Öncəki illərdə əsas mərhələ başa çatdıqdan sonra elit-raud keçirilirdi. Yeni format isə komandalara birbaşa pley-off mərhələsinə keçid imkanı verir, bu da turniri daha gərgin edir.