VI İslam Həmrəyliyi Oyunları: Azərbaycanın voleybol millisinin yarış təqvimi açıqlanıb

Səudiyyə Ərəbistanının paytaxtı Ər-Riyadda keçiriləcək VI İslam Həmrəyliyi Oyunları çərçivəsində təşkil edilən voleybol yarışlarının təqvimi bəlli olub. Bu Oyunlar ümumilikdə noyabrın 7-dən 21-dək davam edəcək. Açıklanan təqvimə görə, Azərbaycan milli komandasının rəqibləri və oyunların başlama saatları artıq müəyyənləşib.

Milli komanda mübarizəyə rəsmi Oyunlardan əvvəl, noyabrın 4-də start verəcək. Komanda bu yarışda dörd yığma ilə qarşılaşacaq. Həmin rəqiblər Tacikistan, İran, Türkiyə və Əfqanıstan milliləridir. Voleybol yarışlarına yekun isə noyabrın 13-də vurulacaq.

Azərbaycan milli komandasının oyun cədvəli aşağıdakı kimidir:

4 noyabr

15:00. Azərbaycan Tacikistan

6 noyabr

15:00. Azərbaycan İran

9 noyabr

18:00. Azərbaycan Türkiyə

12 noyabr

15:00. Azərbaycan Əfqanıstan