Vyetnamda daşqında ölənlərin sayı 91 nəfərə çatıb

Noyabrın 26-dan Vyetnamın mərkəzi bölgəsində davam edən güclü leysan yağışları və daşqınlar ciddi fəsadlar törədib. Bu təbii fəlakət nəticəsində həlak olanların sayı 91 nəfərə çatıb. Hazırda rəsmi məlumatlara görə, 11 nəfər itkin düşmüş sayılır. Fəlakətin səbəb olduğu dağıntılar və itkilər ölkənin bir neçə əyalətində hiss olunur.

Yerli rəsmilərin verdiyi məlumata görə, Daklak əyaləti təbii fəlakətdən ən çox ziyan görən bölgədir. Adıçəkilən əyalətdə 63 nəfər həlak olub, 8 nəfər isə itkin düşənlərin siyahısına salınıb. Ümumilikdə Daklak, Xanhoa, Zyalay və Lamdonq əyalətlərində min dən çox yaşayış və inzibati bina dağılıb və ya zədələnib. Məlumatlar göstərir ki, 201 mindən çox bina da daşqın suları altında qalıb.