Xamenei: ABŞ 12 günlük müharibədə uğur qazana bilməyib

İranın Ali Rəhbəri Əli Xamenei televiziya müraciəti zamanı ABŞ-ın İrana qarşı apardığı "12 günlük müharibə"də uğur qazana bilmədiyini bildirib. O qeyd edib ki, Birləşmiş Ştatlar ən yeni və müasir silahlardan istifadə etməsinə baxmayaraq, məqsədlərinə çata bilməyib. Xamenei həm daxili, həm də regionda baş verən son hadisələrə toxunaraq iddia edib ki, İran xalqı bu qarşıdurmada həm Amerikaya, həm də İsrailə qalib gəldi.

Onun sözlərinə görə, düşmənlər heç nə əldə etmədən geri dönüblər, yəni qoyduqları məqsədlərin heç birinə nail ola bilməyiblər. Ali Rəhbər İranın xarici müdaxilələrə qarşı güclü müqavimət cəbhəsi yaratdığını deyib və bu cəbhəni qorumağın vacibliyini vurğulayıb. Xamenei bildirib ki, dünyada mövcud olan çoxlu düşmənçilik, tamahkarlıq və hakimiyyətlərin müdaxilələri səbəbindən İran kimi bir ölkənin səfərbərliyə daha çox ehtiyacı var.

O, bütün bu zülmlərə və həddindən artıq hərəkətlərə qarşı müqavimət elementinin mövcud olmasını zəruri sayıb. Xamenei etiraf edib ki, müharibənin təbiəti ilə əlaqədar İran əziz həyatları itirib və itkilər verib. Lakin o vurğulayıb ki, düşmənə vurulan maddi zərər ölkəmizə dəyən zərərdən qat-qat çox oldu.