Xocalıya köçən sakin: Doğma yurda qayıdış ən böyük arzumuz idi

Xocalı rayonunun Təzəbinə kəndinə köçən keçmiş məcburi köçkün Reyhan Teymurova, illər sonra doğma yurda qayıdış sevincini dilə gətirdi. Onun sözlərinə görə, torpaqların işğaldan azad olunması və evinə qayıtmaq ən böyük arzu idi.

O, “Bu arzu gerçəyə çevrildi,” dedi və bu günü görməyə nəsib olduğu üçün Allaha şükür etdiyini bildirdi. Köçkün sakin bu tarixi hadisəyə görə dövlətimizə, ordumuza və Prezidentimizə minnətdar olduğunu xüsusi qeyd etdi.

Reyhan Teymurova indi isə gələcəklə bağlı istəklərini bölüşdü. O, arzu edir ki, “torpağımızda bundan sonra sülh, firəvanlıq olsun, bir də heç vaxt köçkünlük, ağrı-acı yaşamayaq.” Qeyd edək ki, Təzəbinə kəndinə bu gün baş tutan köç zamanı 12 ailə-55 nəfər məcburi köçkün öz doğma yurduna qayıdıb.