Yohanensburqda G20 sammiti başlayıb

Cənubi Afrikanın Yohannesburq şəhərində Böyük İyirmilik ölkələri (G20) liderlərinin zirvə toplantısı start götürüb. Bu ilki sammitə CAR Prezidenti Siril Ramafoza sədrlik edir. Tədbir iki gün davam edəcək və bu müddət ərzində iştirakçılar üç əsas sessiya keçirəcəklər. Bütün sessiyalar qapalı formatda baş tutacaq, bu da liderlərə daha sərbəst müzakirə aparmaq imkanı yaradır.

Toplantının təsdiqinə çıxarılan sənədlər Cənubi Afrika Respublikasının G20 sədrliyi çərçivəsində müəyyən edilmiş əsas prinsiplərə əsaslanır. Bu prinsiplərə həmrəylik, bərabərlik və dayanıqlılıq daxildir. Sammitdə ABŞ istisna olmaqla, "iyirmiliyə" üzv olan bütün ölkələr iştirak edirlər; ABŞ tədbiri boykot etdiyini açıqlayıb. ABŞ-ın toplantıya qatılmaması beynəlxalq siyasi dairələrdə böyük önəm daşıyan bir hadisə kimi qəbul edilir.

Böyük İyirmilik, iqtisadi cəhətdən ən inkişaf etmiş və inkişaf etməkdə olan ölkələrin qeyri-rəsmi birliyidir. Bu qrup 1999-cu ilin payızında yaradılıb. G20-nin yaradılmasının əsas məqsədi qlobal iqtisadiyyatın sabitliyinin qorunması üçün aparıcı dövlətlərin səylərini əlaqələndirməkdir. Yohannesburq sammiti qlobal iqtisadiyyatın hazırkı çağırışları fonunda beynəlxalq əməkdaşlığın möhkəmləndirilməsinə xidmət edir.