Zərdab rayonunda yanğın törədən şəxs məsuliyyətə cəlb edildi

15.10.2025 11:37 42 baxış sayı 1 dəq. oxuma Apa

Ümumi

Zərdabda qəsdən yanğın törədərək ətraf mühitə ziyan vuran şəxs polis tərəfindən müəyyən edilərək qanuni məsuliyyətə cəlb olunub.

Daxili İşlər Nazirliyinin (DİN) Mətbuat Xidmətinin Regional Qrupu məlumat yayıb ki, Zərdab rayonunun Dəkkəoba kəndi ərazisində yanğın hadisəsi törətdiyindən şübhəli bilinən şəxs polis əməkdaşlarının həyata keçirdiyi əməliyyat tədbirləri nəticəsində tapılıb.

Aparılan araşdırmalarla məlum olub ki, hadisəni kənd sakini F. Rəsulov törədib. Onun əməlləri nəticəsində 1 hektar sahədə olan quru ot örtüyü və kol-kos yanıb külə dönüb.

Ekoloji fəlakətə səbəb olan həmin şəxs barəsində Azərbaycan Respublikası qanunvericiliyinə uyğun olaraq lazımi tədbirlər görülüb.

Elçin Nəbiyev

Telekom müxbiri

Telekommunikasiya və 5G texnologiyaları üzrə jurnalistəm. Azərbaycanın rəqəmsal infrastrukturunun inkişafını yaxından izləyirəm.

Bütün məqalələrə baxın