ADY heyvanların yola çıxması ilə bağlı məlumat yaydı

“Azərbaycan Dəmir Yolları” QSC-nin (ADY) sərnişin və yük qatarları bu ilin yanvar-oktyabr aylarında dəmir yolunda ciddi problemlə üzləşib. Təkcə on ay ərzində heyvanların yola çıxması səbəbindən 48 toqquşma hadisəsi baş verib.

Sahibsiz buraxılan mal-qara qatarların normal hərəkətinə böyük təhlükə yaradır. Bu cür hadisələr ciddi fəsadlarla nəticələnir. Nəticədə, nəqliyyat vasitələrinə böyük maddi zərər dəyir, qrafikdə gözlənilməz gecikmələr yaranır, eyni zamanda heyvanlar tələf olur.

ADY bütün vətəndaşları qatarları qorumağa çağırır, çünki bu nəqliyyat sistemi hamımızın sərvəti sayılır. Qurum xatırladır ki, heyvanları nəzarətsiz buraxmaq kimi məsuliyyətsiz davranış Azərbaycan qanunvericiliyi əsasında cərimələnmə ilə nəticələnir.