Alonsodan Kenan Yıldız barədə açıqlama

“Real Madrid”in baş məşqçisi Xabi Alonso Türkiyə futbolunun iki istedadlı gəncini, Arda Güler və Kənan Yıldızı yüksək qiymətləndirib. Alonso bu açıqlamaları UEFA Çempionlar Liqası çərçivəsində “Yuventus”la baş tutacaq matçdan əvvəlki mətbuat konfransında verib. Mütəxəssis, hər iki oyunçunun meydanda çox yaxşı performans nümayiş etdirdiyini söyləyib.

Alonso eyni zamanda Arda Gülerin Mesut Özil və Quti ilə müqayisə edilməsi mövzusuna da aydınlıq gətirdi. Baş məşqçinin sözlərinə görə, Ardanın oyun stili bu futbolçuların hər ikisindən fərqlidir. O, diqqəti xüsusilə “Yuventus”da oynayan Kənan Yıldız üzərində cəmləşdirib, gənc oyunçunun fantastik inkişaf etdiyini vurğulayıb.

Mətbuat konfransı zamanı Alonso rəqib komanda haqqında da fikir bildirib. Onun qiymətləndirməsinə görə, “Yuventus” taktika baxımından yüksək səviyyəli və bacarıqlı bir komandadır.