Azərbaycanda bu avtomobillər bahalaşacaq

Azərbaycana yalnız elektrik mühərriki ilə işləyən avtomobillərin idxalı və satışı 1 il müddətinə əlavə dəyər vergisindən (ƏDV) azad ediləcək. Bu qərar elektrik avtomobillərini təşviq etməyə yönəlib. Lakin bu dəyişikliklərin avtomobil bazarına ümumilikdə necə təsir edəcəyi sual doğurur. Nəqliyyat eksperti Eldəniz Cəfərov bildirib ki, yanvar ayından ölkəmizə idxal olunan yeni hibrid avtomobillərə tətbiq edilmiş güzəştlər ləğv edilərsə, belə avtomobillərin qiyməti təxminən 20 faiz civarında yüksələ bilər.

Ekspert xəbərdarlıq edir ki, idxal edilən yeni hibridlərin qiyməti yüksələrsə, ölkənin daxili bazarında satılan hibrid avtomobillərin də qiymətində artım qaçılmazdır. Bu, zəncirvari effekt yaradacaq. Bu qiymət artımı hibridlərlə məhdudlaşmayacaq. Həm benzin, həm də dizel mühərrikli avtomobillərin də qiyməti yüksələ bilər, bu da ümumi bazara təzyiq göstərər.

Cəfərovun fikrincə, avtomobil qiymətlərinin bu şəkildə qalxması insanların köhnə avtomobillərə marağını yenidən artıra bilər. Nəticədə istehlakçılar daha ucuz alternativlər axtaracaqlar. Bu vəziyyət isə ikinci əl avtomobil bazarının yenidən fəallaşması ilə nəticələnəcək.