Azərreyl Avropa Kubokunda Çempion Oldu!

"Azərreyl" klubunun qadınlardan ibarət komandası, Fransa'nın Monpelye şəhərində keçirilən çimərlik voleybolu üzrə klublararası Avropa Kubokunda çempionluq tacını qazanıb.

Komandamız, həlledici matçda Ukraynanın "Sunrise Beach Spors Academy" klubu ilə mübarizə aparıb.

İki oyundan birində "Azərreyl" 2:1 hesabı ilə üstünlük qazanaraq, digərində isə rəqib komanda 0:2 hesabı ilə qalib gəlib. Daha sonra baş tutan qızıl setdə isə gərgin bir mübarizədən sonra Azərreyl komandası 15:12 hesabı ilə üstün gələrək, yarışın qalibi olub.