Bağça Müəllimləri üçün Diaqnostik Qiymətləndirmə
Bağça müəllimləri üçün vacib elan!
19-20 oktyabr tarixlərində bağça müəllimləri və metodistlərin peşəkarlığının yoxlanılması üçün diaqnostik qiymətləndirmə keçiriləcək.
Bu barədə Məktəbəqədər və Ümumi Təhsil üzrə Dövlət Agentliyi məlumat yayıb. Qiymətləndirmə test imtahanı şəklində keçiriləcək və respublikanın müxtəlif yerlərində 28 imtahan mərkəzi təşkil olunacaq.
Təxminən 13 000 bağça müəllimi bu imtahanda iştirak edəcək. Bu proses bağça təhsilinin keyfiyyətini yüksəltmək məqsədilə həyata keçirilir.
Diaqnostik qiymətləndirmədən əvvəl bağça müəllimləri üçün maarifləndirici görüşlər, onlayn sınaq qiymətləndirilmələri və seminarlar təşkil olunub.
