Bakıda Dünya Çempionatı Keçiriləcək
2026-cı ildə cüdo üzrə dünya çempionatı Azərbaycanda, daha doğrusu Bakıda keçiriləcək.
Bu sevindirici xəbəri Azərbaycan Cüdo Federasiyası (ACF) rəsmi olaraq təsdiqləyib. Beynəlxalq Cüdo Federasiyası ilə ACF arasında müvafiq razılıq əldə olunub.
Bakıda keçiriləcək dünya çempionatı, 2028-ci ildə Los Ancelesdə keçiriləcək Yay Olimpiya Oyunları üçün cüdoçulara lisenziya qazanmaq şansı verəcək.
Qeyd edək ki, Azərbaycan artıq 2018-ci ildə cüdo üzrə dünya çempionatına ev sahibliyi edib. Bu, Azərbaycanın idman sahəsindəki uğurlarının və beynəlxalq miqyasda mövqeyinin bariz nümunəsidir.
