Bakının Bəzi Ərazilərində Qaz Təchizatı Dayandırılacaq

Sabah saat 10:00-dan etibarən Səbail rayonunun bir hissəsində qaz təchizatı dayandırılacaq.

"Azəriqaz"ın məlumatına görə, qaz təchizatı rayonun çoxmərtəbəli yaşayış binasının qaz xəttinin şəbəkəyə qoşulması və tıxaclanması, həmçinin Badamdar qəsəbəsində yeni qaz xəttinin mövcud şəbəkəyə qoşulması və sayğacların köçürülməsi səbəbi ilə dayandırılacaq.

Bu müddət ərzində Səbail rayonunun 1-ci və 2-ci massivləri, Badamdar şosesinin, G.Qarayev, Z.Yusifzadə, S.Qədimova, Q.Abbasov, A.Əliyev, Ə.Nəzmi, L.Babayev, A.Məmmədov, M.Hüseynov küçələrinin qaz təchizatında müvəqqəti fasilə yaranacaq.