Bakıya axşam yağış və şimşək xəbərdarlığı

Bakıya axşam yağış və şimşək xəbərdarlığı: Dikkat edin, yağış yağacaq!

Milli Hidrometeorologiya Xidmətinin məlumatına görə, Bakı və Abşeron yarımadasında yağış yağır və küləkli hava şəraiti hökm sürür. Şimal-qərb küləyi mülayim əsir.

Gecə saatlarında yarımadanın bəzi yerlərində leysan xarakterli yağış yağacağı və şimşək çaxacağı ehtimalı yüksəkdir.

Sabah, yəni 27-si səhər saatlarından yağış tədricən azalacaq. Oktyabrın 26-da axşam saatlarından şimal-qərb küləyinin arabir 20-28 m/s sürətlə əsəcəyi proqnozlaşdırılır.

Şimal-qərb rayonlarından başlayaraq Qəbələ, Şabran, Quba, Şəki, Xaçmaz, Qusar, Oğuz, Qax, Daşkəsən, Balakən, Zaqatalada arabir yağıntılı hava şəraiti müşahidə olunur. Şahdağda qar yağır.

Bölgələrdə yağıntılı hava şəraitinin oktyabrın 27-si günün ikinci yarısınadək davam edəcəyi, xüsusən də, Qazax-Gəncə, Naxçıvan MR, Qarabağ və Şərqi-Zəngəzur, Balakən-Şəki, Quba-Qusar, Dağlıq Şirvan, Mərkəzi Aran, Lənkəran-Astara zonasında yağışların leysan xarakterli olacağı, şimşək çaxacağı, dolu düşəcəyi, dağlıq ərazilərdə isə qar yağacağı ehtimalı yüksəkdir.

Gözlənilən leysan xarakterli yağışlar səbəbindən çaylarda sululuq artacaq, Böyük və Kiçik Qafqazın, o cümlədən Lənkəran-Astara bölgəsinin bəzi çaylarından qısamüddətli daşqın və sel keçə bilər.

Hava ilə bağlı xəbərdarlıqları və məlumatları diqqətlə izləyin, əlverişsiz hava şəraitində ehtiyatlı olun, təhlükəsizlik qaydalarına ciddi əməl edin və xüsusən xəbərdarlıqlarla bağlı çağırışlara diqqət yetirin.