"Bir dəqiqə üçün 100 min təklif etdilər"

Türkiyənin ən çox izlənilən seriallarından olan "Kızılcık Şərbəti"ndə Nilay obrazını canlandıran aktrisa Feyza Civelek son açıqlamaları ilə diqqət mərkəzinə düşüb. O, özünü Türkiyənin ən məşhur aktrisası adlandırıb. Sənətçi iddia edir ki, insanlar onu canlı görmək üçün var-yoxlarından keçməyə hazırdırlar. Civelek bir nümunə gətirərək, bu barədə konkret bir təklifin olduğunu bildirdi. Aktrisa deyib ki, "Bir varlı adam məni 1 dəqiqə görmək üçün 100 min lirə təklif etdi". Bu cəsarətli sözlər qısa zamanda sosial mediada geniş müzakirələrə səbəb oldu.

Civelekin bu iddiası ictimaiyyət tərəfindən tənqidsiz qarşılanmayıb. Sosial şəbəkə istifadəçiləri aktrisanı dərhal mənəm-mənəmlikdə və şişirdilmiş özünəinamda suçladılar. Yüzlərlə insan Feyzanın karyerasında irəliləməsini, daha çox, tanışlıq əlaqələri ilə izah etməyə çalışıb. Onların fikrincə, aktrisanın məşhurluğu şəxsi istedadından çox, ailəsinin əlaqələrindən asılıdır. Müzakirələrdə Feyzanın ən çox tənqid olunduğu məqam isə çəkildiyi serialın ssenaristi ilə olan qohumluq əlaqəsi idi.

Sosial şəbəkə istifadəçiləri aktrisanın məhz anası sayəsində bu rolu aldığını qeyd ediblər. Bir izləyici sərt şəkildə yazırdı: "Çəkildiyin serialın ssenarisini anan yazıb. Anan yazır, sən də əzbərləyirsən." Bu tip şərh edənlər hesab edirdilər ki, aktrisanın bu cür iddialı davranışları serialın keyfiyyətinə mənfi təsir göstərir. İstifadəçilər fikirlərini davam etdirərək, "Sənin üzündən o serial zibilə dönüb," deyə aktrisanı günahlandırdılar. Aktrisanın Türkiyənin ən məşhuru olması iddiası böyük narazılığa yol açıb.