Birbank və Visa-dan yeni kampaniya: “Disneyland® Paris”ə səyahət şansı

Ölkənin ilk rəqəmsal bankı olan Birbank, Visa şirkətinin dəstəyi ilə müştərilərinə unikal təcrübə təqdim edən yeni kampaniyaya başlayıb. “Disneyland® Paris-də Sehirli Dünyaya Visa dəstəyi ilə səyahət” adlanan bu proqram çərçivəsində, Birbank Visa taksit və debet kart sahibləri həm unudulmaz səyahət, həm də pul mükafatları qazanmaq imkanı əldə edirlər. Bu kampaniya uzunmüddətlidir və 30 noyabr 2025-ci il tarixinədək davam edəcək. Qalib olmaq üçün müştərilərin sadəcə Birbank Visa kartları ilə xarici ölkələrdəki POS-terminallarda və ya xarici onlayn platformalarda ödəniş etmələri yetərlidir.

Kampaniya müddətində ən çox dövriyyə edən ümumilikdə 1000 Birbank müştərisi qalib elan ediləcək. Dəyərləndirmə iki fərqli kateqoriya üzrə aparılır. Hər kateqoriyadan bir nəfər olmaqla, ilk iki nəfər nağıllar aləmi sayılan “Disneyland® Paris”ə unudulmaz səyahət paketi qazanacaq. Digər qalibləri isə dəyərli pul mükafatları gözləyir. Bu mükafatlar sıralamaya görə dəyişir: 3-cü yerin sahibinə 1000 AZN, 4-5-ci yerlərdə olanlara hər birinə 500 AZN verilir. 6-10-cu yerlərdəki iştirakçılar 300 AZN, 11-20-ci yerlərdə olanlar 200 AZN, 21-50-ci yerlərdə olanlar isə 100 AZN qazanacaqlar. 51-200-cü yerləri tutan müştərilərə 50 AZN təqdim ediləcək. Əlavə olaraq, yalnız onlayn ödənişlər istiqamətində 201-dən 800-dək yerləri tutan iştirakçılara hər biri üçün 20 AZN veriləcək.

Birbankın Marketinq Ekspert Mərkəzinin lideri Kamran Babaşov bu təşəbbüslə bağlı fikirlərini bildirib. O qeyd etdi ki, bank müştərilərə rahat xidmətlərlə bərabər, unudulmaz təcrübələr yaşatmağı hədəfləyir. Rəqəmsal dövrdə sərhədlərin aradan qalxdığını deyən Babaşov, Birbankın bu təcrübəni ölkə xaricinə daşıyaraq müştərilərin səyahətlərini maraqlı imkanlarla zənginləşdirdiyini söylədi. Bank istəyir ki, müştərilər Birbank kartının sadəcə bir ödəniş vasitəsi deyil, həm də onları arzulanan məkanlara apara biləcək bir açar olduğunu bilsinlər. Qeyd edək ki, Birbank, Kapital Bankın əmtəə nişanıdır və PAŞA Holding-ə daxildir.