Bu il Azərbaycanda 45-dən çox zəlzələ qeydə alınıb
Azərbaycanda bu il 45-dən çox zəlzələ qeydə alınıb.
Respublika Seysmoloji Xidmət Mərkəzinin məlumatına görə, yanvar ayından oktyabrın 22-nə qədər 3 maqnitudadan yuxarı 45 zəlzələ baş verib.
Bu zəlzələlərdən 38-i 3 ilə 3,9 maqnituda arasında, 4-ü 4 maqnitudadan yuxarı, 3-ü isə 5 maqnitudadan yuxarı olub.
Zəlzələlər Xəzər dənizində, Şamaxıda, Saatlı-Sabirabad sərhədində, Ağdaş, Goranboy, İmişli, Lənkəran, Tovuz, Hacıqabul, Lerik, Quba, Göygöl, Biləsuvar, Cəlilabadda, Kəlbəcərdə hiss olunub.
Qeyd edək ki, bu statistikaya yalnız 3 maqnitudadan yuxarı zəlzələlər daxildir. Hər ilin sonunda bütün zəlzələlər barədə daha ətraflı məlumat yayımlanır.
