Bu tarixdə hər yerdə endirim olacaq

Bu ilin ən böyük alış-veriş hadisələrindən sayılan “Qara Cümə” (“Black Friday”) endirimləri 28 noyabr tarixinə təsadüf edəcək. Bu gün ənənəvi olaraq hər il ABŞ-də Şükran günündən bir gün sonra qeyd olunur.

Qara Cümə, dünyanın ən böyük endirim kampaniyalarından biri hesab edilir. Həmin tarixdə həm fiziki mağazalarda, həm də onlayn platformalarda kütləvi aksiyalar təqdim edilir. Artıq bir çox brend və satış şəbəkəsi istehlakçılar üçün öz xüsusi təkliflərini hazırlamağa başlayıb.

Mütəxəssislər bildirirlər ki, istehlakçıların alış-veriş zamanı diqqətli olması gərəklidir. Qiymətləri əvvəlcədən müqayisə etmək və real endirimləri “saxta” endirimlərdən ayırd etmək mühümdür. Bu yolla istehlakçılar həqiqətən faydalı alış-veriş edə bilərlər.