DYP çağırış etdi

Baş Dövlət Yol Polisi İdarəsi (BDYP), qış mövsümünün başlaması ərəfəsində avtomobil sahiblərinə təhlükəsizliklə bağlı vacib çağırış edib. İdarə, qış ayları üçün xarakterik olan çətin və əlverişsiz hava şərtlərini nəzərə alaraq, bütün sürücülərdən qabaqlayıcı tədbirlər görməyi tələb edir.

DYP-nin məlumatına görə, yollarda qəzaların qarşısını almaq və təhlükəsizliyi təmin etmək üçün nəqliyyat vasitələrini mövsümə uyğun şinlərlə təchiz etmək mütləqdir. Qış şinləri xüsusilə buzlu və qarlı səthlərdə avtomobilin idarəetmə keyfiyyətini yüksəldir. Bundan başqa, sürücülər avtomobillərinin xarici işıq cihazlarının, şüşə silgəclərinin və isitmə sistemlərinin sazlığını nəzarətdə saxlamalıdırlar. Bu sistemlərin işlək vəziyyətdə olması, həm sürücünün rahatlığını, həm də yolda görünürlüyünü təmin edir. BDYP bütün yol hərəkəti iştirakçılarını qaydalara riayət etməyə çağırır.