Elşən Məmmədov Respublika Şahmat Mərkəzinə Rəhbər Təyin Edilib

02.11.2024 07:25 220 baxış sayı 1 dəq. oxuma Metbuat

Respublika Şahmat Mərkəzinə yeni rəhbər təyin edilib.

Gənclər və İdman Naziri Fərid Qayıbovun əmri ilə bu vəzifə Elşən Məmmədova həvalə olunub. Elşən Məmmədov bu təyinata qədər iki il Qusar Olimpiya İdman Kompleksinə rəhbərlik edib.

Elşən Məmmədov uzun illər idman jurnalisti kimi fəaliyyət göstərib. O, 23 il ərzində "Şərq" və "Futbol+" qəzetlərində, APA Sport, Lent.az və "Report" informasiya agentliklərində müxbir və redaktor olaraq çalışıb.

Elşən Məmmədovun zəhməti yüksək qiymətləndirilib. O, 2020-ci ildə Prezident İlham Əliyevin sərəncamı ilə "Tərəqqi" medalına layiq görülüb. 2016-cı ildə isə Gənclər və İdman Nazirliyi tərəfindən "İlin idman jurnalisti" adına layiq görülüb.

Elşən Məmmədov, həmçinin İdman Araşdırmalar Mərkəzinin rəhbəri kimi ardıcıl 10 dəfə "İlin Qalibləri" layihəsini, həmçinin minifutbol və voleybol üzrə Zəfər Kuboku turnirlərini təşkil edib.

Günel Hacıyeva

E-ticarət redaktoru

Elektron ticarət və rəqəmsal marketinq mövzularında ixtisaslaşmışam. 5 ildir ki, onlayn biznes trendlərini izləyir və bu barədə yazıram.

Bütün məqalələrə baxın