Ərdoğan Serbiyaya səfər etdi

Türkiyə Prezidenti Rəcəb Tayyib Ərdoğan Serbiyaya səfər edib.

Belqradın Nikola Tesla adına Beynəlxalq Hava Limanında Ərdoğanı Serbiya Prezidenti Aleksandar Vuçiç qarşılayıb.

İki günlük səfər çərçivəsində Türkiyə Prezidenti rəsmi qarşılanma mərasimində iştirak edəcək, həmçinin iki ölkə prezidenti arasında təkbətək və geniş tərkibdə görüşlər keçiriləcək.

Bundan əlavə, Serbiya və Türkiyə arasında əməkdaşlıq üzrə Ali Şuranın dördüncü iclası keçiriləcək, müxtəlif sazişlər imzalanacaq və hər iki prezidentin iştirakı ilə biznes forumu təşkil olunacaq.