Göygöldə bıçaqlanma oldu -Xəsarət alanlar var

Göygöl rayonunda bıçaqlanma hadisəsi baş verib. Bu mübahisə nəticəsində iki şəxs müxtəlif dərəcəli bədən xəsarətləri ilə üzləşib.

Hadisə rayonun Quşqara kəndində, kafelərin birində qeydə alınıb. Münaqişə Bakı şəhər sakini, 1996-cı il təvəllüdlü Ə. Həmidovla Gəncə sakini, 1999-cu il təvəllüdlü İ. Əliyevin arasında yaranıb. Onlar arasında düşən söz-söhbət qısa müddətdə fiziki zorakılığa çevrilib.

Mübahisə zamanı İ. Əliyev bıçaqdan istifadə edərək Ə. Həmidovun başına xəsarət yetirib. Zərərçəkən Ə. Həmidov isə bundan sonra Gəncə sakinini yumruqla vuraraq ona xəsarət yetirib. İlkin məlumata görə, hər iki şəxs hadisə baş verən zaman sərxoş vəziyyətdə olub. Faktla bağlı hüquq-mühafizə orqanları lazımi araşdırma aparır.