Günəşdə baş verən partlayışla bağlı dünyaya xəbərdarlıq edildi

ABŞ Aeronavtika və Kosmik Administrasiyası (NASA) ABŞ Milli Okean və Atmosfer Administrasiyası (NOAA) ilə birlikdə Günəşdə baş verən güclü partlayış barədə xəbərdarlıq yayıb. Bu hadisənin nəticəsi olaraq geomaqnit fırtınası təhlükəsi ortaya çıxıb. Agentliklərin birgə açıqlamasına görə, güclü günəş partlayışı baş verib və bu, Yer kürəsində bir sıra sistemlərə təsir göstərə bilər.

Verilən bəyanatda bildirilir ki, günəş partlayışı bilavasitə radio siqnallarına, elektrik şəbəkələrinə və naviqasiya siqnallarına təsir göstərmək qabiliyyətinə malikdir. NOAA xəbərdarlıq edir ki, partlayışın yaratdığı təsir nəticəsində ciddi geomaqnit fırtınaları baş verə bilər. Bu fırtınalar kritik infrastrukturlar üçün risk yaradır.