Haqverdiyevin həbsi ilə bağlı detallar məlum oldu

Müdafiə Nazirliyinin (MN) istirahət evinin rəisi İlham Haqverdiyevin həbsi ilə bağlı bəzi detallar ortaya çıxıb. Mayor rütbəsi ilə xidmət edən rəis vəzifə səlahiyyətlərindən sui-istifadə edib. İlkin məlumata görə, İlham Haqverdiyev rüşvət qarşılığında bir neçə mülki şəxsi istirahət evinə işə düzəldib.

Nazirliyin istirahət evindəki korrupsiya faktı Respublika Hərbi Prokurorluğu tərəfindən aşkarlanıb. Prokurorluq əməkdaşları dərhal araşdırmalara başlayıblar. Aparılan istintaq zamanı Haqverdiyevin qanunsuz əməlləri tam müəyyən edilib.

Aparılan araşdırma nəticəsində məlum oldu ki, rəis vəzifəsindən sui-istifadə edərək, vətəndaşlardan pul alıb, onları işə götürüb. Bu faktlar təsdiqləndikdən sonra qanunauyğun tədbirlər görülüb. Hazırda işlə bağlı istintaq prosesi davam edir.