İslam Rzayev barəsində qərar verildi

Balakən rayon icra hakimiyyətinin sabiq başçısı İslam Rzayev barəsində 4 ay müddətinə həbs qətimkan tədbiri seçilib. Bu qərar Səbail Rayon Məhkəməsində qəbul edilib. Bu qətimkan tədbiri Dövlət Təhlükəsizliyi Xidmətinin (DTX) Balakən Rayon İcra Hakimiyyətində həyata keçirdiyi əməliyyatdan sonra verilib. Əməliyyatın məqsədi korrupsiya cinayətlərini aşkarlamaq idi.

Həyata keçirilən əməliyyat nəticəsində təkcə sabiq icra başçısı İ. Rzayev deyil, həm də rayonun digər vəzifəli şəxsləri saxlanılıb. İslam Rzayev ağır korrupsiya maddələri ilə ittiham olunur. Ona qarşı Cinayət Məcəlləsinin iki fərqli maddəsi ilə ittiham irəli sürülüb.

Sabiq başçı İslam Rzayev Cinayət Məcəlləsinin 179.3.2-ci (Külli miqdarda mənimsəmə) və 311.3.2-ci (təkrarən rüşvət alma) maddələri ilə təqsirləndirilir. Digər saxlanılan şəxslər də korrupsiya cinayətləri törətməkdə ittiham edilirlər. Onların işi də məhkəməyə çıxarılacaq.