Klopp "Liverpul"a qayıdır?

“Liverpul”un uğursuz oyunlarında sonra, Yurgen Kloppun kluba geri dönüşü ehtimalı Britaniya mətbuatında yenidən müzakirə olunmağa başlayıb. Klubun son dövrlərdəki zəif performansı və liqa matçlarında ardıcıl məğlubiyyətləri alman məşqçinin adının yenidən hallanmasına səbəb olur.

Bu müzakirələrin əsas mənbəyi Kloppun daha əvvəl açıqladığı sözlərdir: “Əgər şəhər mənə ehtiyac duyursa, mən oradayam". Əvvəllər, bu açıqlama sadəcə nəzakətli bir rədd cavabı kimi qəbul edilirdi. Həmin vaxt Kloppun “Liverpul”a qayıtması ciddi bir ssenari hesab edilmirdi.

Lakin klubun hazırda yaşadığı çətinliklər və uğursuz nəticələr vəziyyəti dəyişib. Komandanın statistikasında böyük geriləmə müşahidə olunur. Qeyd etmək lazımdır ki, “Liverpul” son səkkiz liqa matçından beşində uduzub. Bu zəif nəticələr səbəbindən alman məşqçinin kluba qayıdışı indi daha ciddi şəkildə müzakirə edilir.