Milton Qasırğası: Bayden "Əsrin Fəlakəti" Xəbərdarlığını Etdi
ABŞ Prezidenti Co Bayden Florida ştatına doğru gedən Milton qasırğası ilə bağlı ağır xəbərdarlıq edərək, bunun əsrin ən güclü qasırğası ola biləcəyini bildirib.
Ağ Evdə rəsmilərin iştirakı ilə keçirilən brifinqdə Bayden, Milton qasırğasının yaratacağı potensial təhlükələr barədə danışaraq, bu fəlakətin qarşısını almaq üçün bütün mümkün tədbirlərin görüldüyünü vurğulayıb. O, floridalıları hökumətin tövsiyələrinə diqqət yetirməyə çağırmış və federal hökumətin yerli rəsmilərlə sıx əlaqədə olduğunu bildirib.
Qeyd edək ki, ABŞ Milli Meteoroloji Xidməti də Milton qasırğasının son 100 ilin ən güclü qasırğası ola biləcəyi barədə xəbərdarlıq etmişdi. Bu hadisə, ölkənin cənubunda yaşayanlar üçün ciddi təhlükə yaradır.
