
Rusiya şirkəti Azərbaycana uçuşları ləğv etdi

Rusiyanın "Azimut" aviaşirkəti Mineralnıye Vodı və Soçidən Azərbaycana uçuşları ləğv edib.
Metbuat.az Report-a istinadən xəbər verir ki, bu barədə aviaşirkətin mətbuat xidmətindən bildirilib.
Məlumata görə, "Azimut" Mineralnıye Vodıdan Bakı və Gəncəyə, həmçinin Soçidən Bakıya reyslərini dayandırıb. Buna səbəb kimi Azərbaycan Dövlət Mülki Aviasiya Agentliyinin uçuş icazəsini ləğv etməsi göstərilir.
Qeyd edək ki, 25 dekabrda Bakı-Qroznı reysini həyata keçirən AZAL təyyarəsi Qroznı səmasında Rusiya HHM sistemləri tərəfindən vurulub və ciddi zədə alıb. Enişinə icazə verilmədiyindən Aktauya istiqamət götürən təyyarə Aktau hava limanı yaxınlığında qəzaya uğrayıb. Qəza nəticəsində göyərtədə olan 67 nəfərdən 38-i həlak olub, 29 nəfər sağ qalıb.
Rusiya indiyə qədər Azərbaycandan üzr istəməyib və təyyarənin enişinə icazə verməyən şəxsləri məsuliyyətə cəlb etməyib.
Xatırladaq ki, bundan öncə AZAL yarana biləcək riskləri nəzərə alaraq Qroznı və Maxaçqala da daxil olmaqla Mineralnıye Vodı, Soçi, Volqoqrad, Ufa, Samara, Saratov, Nijni Novqorod və Vladiqafqaza uçuşları təxirə salıb
Oxşar xəbərlər

Qətər Ermənistana Uçuşları Dayandırdı
Son Xeberler

Türkiyədən İrana uçuşlar dayandırıldı
Xəbər Anı

Rusiya uçuşları dayandırdı -
Son Xeberler

Cənubi Koreyada hərbi vəziyyət ləğv edildi
Bugun.az

Rusiya Azərbaycana qoyduğu qadağanı ləğv etdi
Son Xeberler

Rusiya sülhməramlılarından Azərbaycana qarşı TƏXRİ...
Son Xeberler