TƏBİB partlayışla bağlı yeni açıqlama yaydı

Bakı şəhəri, Nərimanov rayonu, Ə.Rəcəbli küçəsində baş verən partlayış nəticəsində xəsarət alan beş nəfərdən dördü evə buraxılıb. TƏBİB-in verdiyi məlumata görə, bu şəxslərə zəruri tibbi yardım göstərilib və onlar ambulator müalicə üçün artıq evə yollanıblar.

Hadisə 24.11.2025-ci il tarixində səhər saat 09:00 radələrində qeydə alınıb. Partlayış nəticəsində yaralanan beş nəfər dərhal Kliniki Tibbi Mərkəzə hospitalizasiya olunub. Tibbi müayinə zamanı yaralılardan bir nəfərə (kişi) termiki yanıq diaqnozu təyin edilib.

Qalan dörd nəfərə isə bədənin müxtəlif nahiyələrinin müştərək travmaları diaqnozu qoyuldu. Bu xəsarət alanların tərkibində bir kişi və üç qadın var idi. Dörd nəfər müalicənin ardından evə buraxılsa da, bir nəfər isə müalicənin davamı üçün aidiyyatı üzrə başqa tibb müəssisəsinə yönləndirilib.