Texnologiya məhsullarının ixracı kəskin azalıb

2025-ci ilin ilk 9 ayında Azərbaycanın yüksək texnologiya məhsulları ticarətində əhəmiyyətli dəyişikliklər qeydə alınıb. Ölkəyə bu tip məhsulların idxalı artım göstərsə də, ixrac həcmi kəskin şəkildə azalıb. Dövlət Gömrük Komitəsinin açıqladığı məlumatlar idxal və ixrac rəqəmləri arasında böyük bir fərqin yarandığını göstərir. Xüsusilə, yüksək texnologiya məhsullarının xarici bazarlara satışı sürətlə enib.

Komitənin hesabatına görə, yanvar-sentyabr aylarında idxal əməliyyatları 1 milyard 214 milyon 129.22 min dollar təşkil edib. Bu göstərici, 2024-cü ilin eyni dövrü ilə müqayisədə 2.65 faiz çoxdur. Bu artım ölkədə texnoloji avadanlıqlara və məhsullara olan tələbatın artmaqda olduğunu göstərir. Ölkə daxilindəki tələbin ödənilməsi üçün ticarət əməliyyatları böyük həcmdə aparılıb.

Ancaq ixrac rəqəmlərində vəziyyət tam əksinədir. Yüksək texnologiya məhsullarının ixracı çox ciddi şəkildə aşağı düşüb. Əvvəlki dövrdə 170 947.63 min dollar olan ixrac həcmi bu il 29 088.93 dollara enib. Bu azalma təxminən 83% təşkil edir. Bu məlumatlar, 2025-ci ilin ilk doqquz ayında Azərbaycanın texnologiya ticarətində balansın ixracın zərərinə olaraq pozulduğunu sübut edir.