"Trendyol"da qiymətlər artdı - Narazılıq var

Vətəndaşlar "Trendyol" platformasında məhsulların qiymətinin Türkiyədəki satış qiymətlərindən kəskin fərqlənməsindən narazıdırlar. Alıcılar iddia edirlər ki, istənilən məhsul Türkiyə bazarında daha ucuz olsa da, Azərbaycana 2-3 qat baha qiymətə satılır.

Bu narazılıq xüsusilə konkret misallarla özünü göstərir. Məsələn, müştərilər bildirirlər ki, Türkiyədə 3 manat 50 qəpiyə satılan adi bir corab Azərbaycan üçün 13 manatdır. Onların sözlərinə görə, bu cür böyük qiymət fərqləri hətta platformanın təqdim etdiyi promo endirimlərdən sonra da qalır.

Vətəndaşlar həmçinin qeyd edirlər ki, məhsulun qiyməti onsuz da baha olduğu halda, sifarişin üzərinə əlavə olaraq daşınma haqqı da gəlir. Bu vəziyyət ümumi xərcləri daha da artırır və alıcıların xarici ticarət platformalarından gözlədiyi sərfəli alış-veriş imkanlarını məhdudlaşdırır.