Tuneldəki Faciə: Şahidin Dəhşətli Anlatımı

Sabunçu rayonunda baş verən faciəli hadisədə, yağış suları ilə dolmuş tuneldə iki nəfər boğularaq həyatını itirib.

Xəbərə görə, tuneldə qalıb görüntülərini qohumlarına göndərən şəxslər 1976-cı il təvəllüdlü Elnur Şirinov və 1995-ci il təvəllüdlü Köçəri Abbasov olub. Bu, onların sonuncu görüntüləri idi.

Hadisə şahidlərinin dediklərinə görə, hadisə gecə saat 2-3 radələrində baş verib. Üç nəfər köməksiz halda qalıb, biri üzərək xilas ola bilib, ancaq digərləri boğulub. Onları xilas etmək istəyən şəxslər də buna nail ola bilməyiblər.

Fövqəladə Hallar Nazirliyinin əməkdaşlarının apardığı axtarış-xilasetmə əməliyyatları nəticəsində, əvvəlcə Elnur Şirinovun, daha sonra isə Köçəri Abbasovun cəsədləri aşkar edilib və aidiyyəti üzrə təhvil verilib.

Hadisə yerinə Fövqəladə Hallar Naziri Kəmalləddin Heydərov və Bakı Şəhər İcra Hakimiyyətinin başçısı Eldar Əzizov gəlib.

Faktla bağlı Sabunçu rayon prokurorluğunda araşdırma aparılır.