Türk Dünyası Fintex Birliyi Quruldu

Bu gün İstanbulda Türk Dünyası ölkələrinin fintex assosiasiyaları arasında Türk Dünyası Fintex Birliyi yaradılması barədə anlaşma memorandumu imzalanıb.

Anlaşmaya görə, Türkiyə, Azərbaycan, Qazaxıstan, Qırğızıstan və Özbəkistan fintex assosiasiyaları maliyyə texnologiyalarının inkişafı, qanunvericilik və tənzimləmə, maliyyə inklüzivliyinin artırılması, startap ekosisteminin dəstəklənməsi, beynəlxalq ödənişlərin və köçürmələrin asanlaşdırılması, kibertəhlükəsizlik və digər sahələrdə sıx əməkdaşlıq, təcrübə mübadiləsi və birgə layihələr həyata keçirəcəklər.