​Türkiyədə dollar kəskin bahalaşdı

Türkiyənin Mərkəzi Bankı (TCMB) ilin sonuna gözlənilən inflyasiya proqnozlarını açıqlayıb. Bu yenilənmiş proqnozlar çərçivəsində Mərkəzi Bank hədəf diapazonunu əvvəlki 25-29%-dən 31-33%-ə kəskin şəkildə yüksəldib. Bank həmçinin 2026-cı il üçün proqnozunu dəyişərək 13%-dən 19%-ə qaldırdı. Bu qərardan sonra Türkiyənin maliyyə bazarlarında güclü dalğalanmalar yaşandı.

Mərkəzi Bankın təqdimatından dərhal sonra bazar reaksiyası sürətli oldu. ABŞ dollarının məzənnəsi rekord qıraraq bahalaşdı, eyni zamanda birjada eniş müşahidə edildi. Günə 42,19 lirə ilə başlayan dollar, tədbirdən sonra dərhal 42,22 türk lirəsinə yüksəldi. Bu bahalaşma TCMB-nin yenilənmiş inflasiya gözləntiləri ilə bağlı açıqlamasının investorlar üçün nə qədər əhəmiyyətli olduğunu göstərir.