Ülkər Yaşarqızı bacısının ölümündən DANIŞDI

Mərhum Xalq artisti Yaşar Nurinin böyük qızı Ülviyyə Yaşarqızı noyabrın 15-də səhər saatlarında ürək çatışmazlığından vəfat etdi. Bu faciəvi hadisədən sonra bacısı Ülkər Yaşarqızı Ülviyyənin son anları barədə danışdı. O, Baku TV-yə verdiyi açıqlamada hadisənin necə cərəyan etdiyini ətraflı izah etdi. Ülkər Yaşarqızı bacısının ürəyinin dayandığı anları şərh edərək ailənin yaşadığı dəhşətli sarsıntını dilə gətirdi.

Ülkər Yaşarqızı bacısının vəziyyətinin pisləşməsini gecə gələn zəng vasitəsilə bildiyini söylədi. O, Ülviyyənin ona gecə saat 3:30 radələrində zəng etdiyini bildirir. Ülviyyə Yaşarqızı telefonda ona: "özümü çox pis hiss edirəm, anama tez gəlməsini söylə," dedi. Ailə dərhal köməyə çağırdı, lakin təəssüf ki, hadisələr çox sürətlə inkişaf etdi və kömək gecikdi.

Ana hadisə yerinə çatmazdan əvvəl Ülviyyənin qızı Ülkərə görüntülü zəng etdi. Uşaq qorxmuşdu, o, xalasını yığaraq "xala, qorxuram, anam yerə yıxılıb," deyirdi. Ülkər Yaşarqızı kameranı bacısına tərəf çevirtdi. O, bu görüntüləri gördükdə dərhal vəziyyətin nə qədər ağır olduğunu anladı. Ülkər Yaşarqızının sözlərinə görə, o anda bacısının artıq bir nöqtəyə baxdığını, yəni həyatını itirdiyini gördü.