Vanqanın 2026-cı il üçün proqnozları

On iki yaşında görmə qabiliyyətini itirən Baba Vanqanın sağlığında verdiyi proqnozlar hələ də böyük maraq və mübahisələrə səbəb olur. O, 1996-cı ildə vəfat etməsinə baxmayaraq, onun peyğəmbərlikləri təəccüblü dərəcədə aktuallığını qoruyur. 2026-cı il üçün üzə çıxan proqnozlar göstərir ki, bu, bəşəriyyət üçün həm sarsıdıcı, həm də dəyişdirici hadisələrə səhnə ola bilər. Ən çox müzakirə edilən iddialardan biri dünya dışı həyatla təmas məsələsidir. Vanqa iddia edir ki, 2026-cı ilin noyabr ayında nəhəng bir kosmik gəmi Yer atmosferinə daxil olacaq və bəşəriyyət tarixində ilk dəfə başqa bir sivilizasiya ilə əlaqə qurulacaq. Bu fikri müdafiə edənlər 2025-ci ildə Yerə yaxın keçən 3I/ATLAS adlı ulduzlararası cismi və artan UFO xəbərlərini göstərirlər. Vanqanın proqnozlarına görə, bu xarici sivilizasiya ilə əlaqə qurulması 2026-cı ilin əsas hadisəsi kimi yadda qalacaq.

Proqnozlarda ön plana çıxan digər bir qaranlıq mənzərə isə təbii fəlakətlərlə bağlıdır. Vanqa hesab edirdi ki, 2026-cı ildə güclü zəlzələlər, vulkan püskürmələri və ekstremal hava hadisələri dünyanı sarsıdacaq. Bu fəlakətlər planetin quru səthinin təxminən səkkiz faizini əhatə edə bilər. Son illərdə Avropada qeydə alınan rekord istilər, Kanada və Avstraliyadakı meşə yanğınları, eləcə də Asiyada baş verən dağıdıcı zəlzələlər bu kehanəti dəstəkləyən nümunələr kimi göstərilir. Təkcə təbii hadisələr deyil, dünya siyasətinin gələcəyi də gərgin görünür. Vanqanın fikrincə, 2026-cı il qlobal gərginliklərin zirvəyə çatdığı bir dövr ola bilər. Şərqlə Qərb arasında siyasi və hərbi gərginliyin təhlükəli şəkildə artması və genişmiqyaslı qarşıdurmalara səbəb olması ehtimalı vurğulanır.

Tibbi sahə ilə bağlı proqnozlar həm ümidverici, həm də diqqət çəkicidir. Baba Vanqaya görə, 2046-cı ildə süni orqanların kütləvi istehsalına başlanacaq və 2026-cı il bu sahədə əsas addımların atıldığı bir il ola bilər. Məsələn, Massachusetts General Hospital-ın genetik olaraq dəyişdirilmiş donuz böyrəklərini yaşayan xəstələrə uğurla köçürməsi kimi nailiyyətlər bu ehtimalı gücləndirir. Bundan əlavə, Vanqa 2026-cı ilin xərçəngdə erkən diaqnostika baxımından dönüş nöqtəsi olacağını bildirib. Xüsusilə, fərqli xərçəng növlərini təkcə qan nümunəsi ilə müəyyən etməyi hədəfləyən MCED testlərinin geniş yayılması səhiyyədə inqilabi dəyişiklik kimi qiymətləndirilir. Vanqa həmçinin, dünyanın sonunun 5079-cu ildən əvvəl gəlməyəcəyini də söyləyib ki, bu da böyük bir məhvolma ehtimalına qarşı uzun bir zamanın olduğunu xatırladır.