​“WhatsApp”dan bu telefon istifadəçilərinə müjdə

“WhatsApp” platforması söhbətlərlə bağlı yeni bir funksiya üzərində işləyir. Bu yenilik xüsusilə məhdud yaddaşa malik köhnə telefonlar üçün faydalı olacaq. Platforma hər söhbət ekranına "Yaddaşın idarə edilməsi" adlı yeni menyu əlavə edib.

Bu alət vasitəsilə istifadəçilər hər bir söhbətin nə qədər yer tutduğunu asanlıqla görə bilərlər. Onlar bu yolla lazımsız məzmunu tez bir zamanda silə biləcəklər. “WABetaInfo”nun məlumatına görə, yeni funksiya hazırda həm Android, həm də iPhone-ların beta versiyalarında sınaqdan keçirilir.

Yeni funksiya iPhone-un “Parametrlər” pəncərəsində olan ümumi yaddaş idarəetmə menyusuna bənzəyir. Ancaq bu yeniləmə prosesi asanlaşdırır, çünki istifadəçilərə birbaşa ən çox yer tutan söhbətlərə diqqət yetirməyə imkan verir. Bu, istifadəçilərin tətbiq daxilində yaddaşa birbaşa nəzarət etməsinə kömək edəcək.