Zədə səbəbindən: Mark Guehi İngiltərə millisinin heyətindən çıxarıldı

“Kristal Palas”ın müdafiəçisi Mark Guehi ciddi zədə ilə üzləşdiyi üçün İngiltərə milli komandasının heyətini tərk etmək məcburiyyətində qalıb. Bu qərar futbolçunun tez bir zamanda klubuna qayıdaraq müalicə prosesini davam etdirməsi deməkdir. Məsələ ondadır ki, 25 yaşlı müdafiəçi zədəni ötən həftə AZ Alkmaar ilə Konfrans Liqası matçında alıb.

Zədənin növü ayaqda ağır sümük zədəsi olaraq qeyd edilir. Həftənin əvvəlində yığmaya qoşulsa da, bu zədə onun ötən bazar "Palas"ın "Brayton" ilə 0-0 heablı heç-heçə etdiyi oyunu buraxmasına səbəb olmuşdu. Həmin vaxt Guehi ayağındakı problemin onu "yeriməyə belə qoymadığını" bildirmişdi. Zədənin ciddiliyi səbəbindən o, cümə axşamı İngiltərənin Serbiya üzərində 2-0 hesablı qələbə qazandığı matçın heyətinə daxil edilməyib. Mark Guehi həmçinin “Üç Şir”in Albaniya ilə keçiriləcək 2026-cı il Dünya Kuboku seçmə mərhələsinin son oyununu da buraxacaq.

Mənbənin məlumatına görə, baş məşqçi Tomas Tuxel bazar günü Tiranaya (Albaniya) səfər üçün cəmi 24 futbolçudan ibarət heyətlə hazırlıq aparacaq. Müdafiəçinin heyətdən çıxarılmasına baxmayaraq, İngiltərə yığmasının mövqeyi təhlükə altında deyil. Çünki İngiltərə hazırda K qrupunda birinci yerdədir. Komanda indiyədək bütün yeddi oyunda qələbə qazanıb. Bu uğurlar nəticəsində "Üç Şir" artıq ABŞ, Kanada və Meksikada təşkil olunacaq növbəti yay Dünya Kubokuna vəsiqəni rəsmiləşdirib.