🎉 Son Yeniliklər: Yeni dizaynımızı istifadəyə verdik.

İtaliyalı məşqçi Azərbaycanı təbrik etdi

09.11.2020 07:49 604 baxış sayı 2 dəq. oxuma
İtaliyalı məşqçi Azərbaycanı təbrik etdi

"Neftçi" və "Xəzər Lənkəran"ın fiziki hazırlıq üzrə sabiq məşqçisi Canni Melkiorre Azərbaycan Ordusunun döyüş meydanında qazandığı tarixi uğurlara biganə qalmayıb.

Şuşanın işğaldan azad olunması ilə bağlı özünün feysbuk səhifəsində paylaşım edən italiyalı mütəxəssis xalqımızı təbrik edib.

"Həyatımın vacib və unudulmaz illərini keçirdiyim Azərbaycanı, oradakı insanları və bu gözəl ölkədəki çoxsaylı dostlarımı torpaqların azad olunması münasibətilə təbrik edirəm. Gələcəkdə onlara xoşbəxtlik, sevgi, xüsusilə də sülh arzulayıram", - o bildirib.

Qeyd edək ki, Canni Melkiorre "Neftçi" və "Xəzər Lənkəran"la yanaşı, Türkiyənin “Qalatasaray”, Rumıniyanın “Astra”, “Petrolul” və ÇFR klublarında da işləyib.

Paylaş: