480 min əhalisi olan Yaşıl Burun tarixində ilk dəfə Dünya Kubokunda

2026-cı il Dünya Kuboku Seçmə Mərhələsinin D Qrupunun 10-cu tur matçında Yaşıl Burun və Esvatini üz-üzə gəldi. Estadio Nacional de Kabo Verde Stadionunda keçirilən oyunda Yaşıl Burun rəqibini 3:0 hesabı ilə məğlub edərək vacib qələbə qazandı.

3 XAL 3 QOLLA GƏLDİ

Yaşıl Burun yığmasına qələbəni gətirən qolları 49-cu dəqiqədə Dailon Livramento, 55-ci dəqiqədə Uilli Semedo və 90+2-ci dəqiqədə Tavares vurdu.

DÜNYA KUBOKUNA VƏSİQƏ ALDILAR

Təxminən 480 min əhalisi olan kiçik Afrika ölkəsi Yaşıl Burun adaları bu nəticə ilə xallarını 23-ə çatdıraraq tarixində ilk dəfə Dünya Kubokuna vəsiqə qazandı. Yaşıl Burun, 2018-ci ildə turnirə qatılan İslandiyadan sonra Dünya Kubokuna vəsiqə qazanan əhalisinə görə ikinci ən kiçik ölkə oldu.